„И нема веќе да има никакво проклетство. И престолот на Бога и на Јагнето ќе биде во неа, и Неговите слуги ќе Му служат.“ (Окровеие 22,3)
Големата борба е завршена. Грев и грешници нема веќе. Целата вселена е чиста. Насекаде во безмерниот универзум владеат апсолутна хармонија и радост. Од Оној кој создал сѐ тече живот, светлина и радост низ сите светови во бесконечните простори. Од најмалечкиот атом, до најголемиот свет, сѐ што е создадено, и живата и неживата природа, во својата непоматена убавина и совршена радост зборуваат дека Бог е љубов. (Големата брба, стр. 678. оригинал)
Се слуша гласот на Божјиот Син како ги повикува заспаните свети, и додека ги гледа како доаѓаат од темнината на смртта, пророкот извикнува: „Твоите мртовци ќе оживеат… Разбудете се и ликувајте вие, соборените во прав; зашто Твојата роса е роса на светлина, и земјата ќе ги даде мртовците.“
„Тогаш ќе им се отворат очите на слепите,
ушите на глувите ќе се одзатнат.
Тогаш куциот ќе скока како елен,
И јазикот на немиот ќе пее.“
Пророкот гледа како оние што го победиле гревот и гробот сега стојат среќни во присуство на својот Творец и слободно разговараат со Него, како што човекот разговарал со Бога на почетокот. (Пророци и цареви, стр. 728.729. оргинал)
Јазикот е целосно премногу слаб во обид да се опише небото. Кога сцената се подигнуваше пред мене, јас се изгубив во воодушевување. Однесена со ненадминливиот сјај и извонредната слава, јас го спуштив своето перо и воскликнав: „Ох, каква љубов! Каква прекрасна љубов!“ (Рани списи, стр. 289. оригинал)
