„Нејзините патишта се пријатни и сите нејзини патеки се полни со мир. Таа е дрво на живот, за оние кои се придржуваат за неа, и благословен е оној што ќе ја задржи.“ (Пословици 3,17.18)
Мудрецот вели дека мудроста е таква што „нејзините патишта се пријатни и сите нејзини патеки се полни со мир“ (Пословици 3,17). Многумина мислат дека посветеноста на Бога е опасна по здравјето и дека ги нарушува радоста и среќата на општествениот живот. Сепак, оние кои одат во мудрост и светост гледаат дека „побожноста е полезна за сè, зашто има ветување за сегашниот и идниот живот“ (1. Тимотеј 4,8). Тие уживаат во вистинските животни задоволства, нив не ги мачат залудни каења поради попусто потрошеното време, ниту пак се плашат како што луѓето во светот често се плашат кога не се обземени со некоја возбудлива забава. (Counsels on Health, p. 627)
Вистинската вера го облагородува умот, го префинува вкусот, го посветува разумот, а оној кој ја поседува го прави учесник во светоста и непорочноста на Небото. Таа нè приближува до ангелите, а нè одвојува сè повеќе и повеќе од духот и влијанието на светот. Таа продира во сите дела и сите односи во животот и ни дава „дух на сила, љубов и чистота“, чија последица се среќата и мирот. (Counsels on Health, p. 629)
