„Човекот се радува на одговорот на својата уста, и зборот во право време колку е добар!“ (Пословици 15,23)
Силата на говорот е од голема вредност, а гласот треба да се усовршува за благослов на оние со кои доаѓаме во допир. (Counsels to Parents, Teachers, and Students, p. 240)
„Мудриот човек се почитува поради својата пријатност; неговите пријателски зборови го зголемуваат неговото влијание.“ „Умесните одговори им се радост на луѓето; зборот кажан навреме – колку голема помош е тој!“ (Пословици 16,21; 15,23. Мофат)
Како Христови следбеници, ние мораме да постигнеме со нашите зборови да си укажуваме помош и да се храбриме едни co други во христијанскиот живот. Многу повеќе отколку што го правиме тоа, треба да зборуваме за драгоцените поглавја од нашето искуство. Треба да зборуваме за Божјата милост и добрина, за ненадминливите длабини на љубовта на Спасителот. Нашите зборови треба да носат порака на славење и благодарење. Ако умот и срцето се полни со Божја љубов, тоа ќе се покаже и во нашите разговори. (Христови параболи, стр. 338. оригинал)
Навистина драгоцен во овој свет на грев и незнаење е дарот на говорот, мелодијата на човечкиот глас, кога е посветен на пофалба на Оној Кој нè возљубил и се предал Себеси за нас. (Counsels to Parents, Teachers, and Students, p. 245)
Христовата љубов во душата е како „извор на вода што извира во вечен живот“… Оние што ја поседуваат оваа љубов ќе се радуваат да зборуваат за она што Бог го подготвил за оние што Го љубат. (Порака до младите, стр. 390. оргинал)
