„Не ќе те наречуваат веќе Оставена, ни твојата земја Запустена, туку ќе те викаат Моја Милина, а твојата земја -Венчана, зашто ти си Господова милозливост, и твојата земја ќе има сопруг.“ (Исаија 62,4)
Ако бидеме верни и послушни, Бог ќе ни се радува и ќе нè благослови како свој избран народ.(Сведоштва за црквата, вол. 2, стр. 693. оригинал)
Господ својот народ го соединил со Себе со свечен завет и ветил дека ќе биде негов Бог, а народот се обврзал дека ќе му припаѓа Нему, само Нему. Тој вели: „ќе те свршам довека за себе, ќе те свршам во правда, во добрина и во милост“ (Осија 2,19). И повторува: „Јас сум ваш маж“ (Еремија 3,14). И Павле го употребува истиот израз во Новиот завет кога кажува: „Ве свршив со еден маж за да ве приведам како чиста девица пред Христа“ (2. Коринтјаните 11,2). (Големата борба, стр. 381. оригинал)
„Ќе те викаат ’Моја Радост‘, а твојата земја ќе биде ’Моја Невеста‘, зашто Вечниот наоѓа радост во тебе, и твојата земја повторно ќе биде омажена. Како што момче се жени со девојка, така твојот Основач се жени со тебе; и како што младоженецот ѝ се радува на својата невеста, така твојот Бог ќе ти се радува тебе.“ (Исаија 62,4.5. според преводот на Мофат)
