„Радувајте се, праведници, во Господа, славете Го Неговото свето Име.“ (Псалм 97,12)
Среќата во животот не ја даваат ниту богатството ниту големата ученост, туку вистинската морална вредност и чувството на извршена должност. И вие можете да ја стекнете наградата на победникот и да стоите пред Христовиот престол со песна на благодарност во денот кога Тој ќе ги повика Своите светии; но облеките на својот карактер морате да ги исперете во крвта на Јагнето и морате да се покриете со милосрдие како со плашт, за да се најдете без дамка и без мана. (Сведоштва за црквата, вол. 4, стр. 125. оригинал)
„Зашто кој сака да живее и да види добри денови, нека го задржува својот јазик да не зборува зло и нека прави добро; нека бара мир и нека се држи за него. Зашто очите Господови се свртени кон праведниците и ушите Негови кон нивните молитви, а лицето на Господ е против оние што прават зло.“ Вистински среќни се само оние кои врз основа на лично искуство ја осознале вистинитоста на овие зборови. Тие сметаат дека одобрувањето на небото е повредно од секоја овоземна забава. Христос во нив како надеж во славата, ќе биде здравје за нивното тело и сила за душата. (Сведоштва за црквата, вол. 1, стр. 566. оригинал)
