„Ќе склучам со тебе Свој Сојуз, и ќе знаеш дека Јас Сум Господ, за да си спомниш и за да се засрамиш и од срам веќе да не ја отвориш устата кога ќе ти простам сè што си направила! Говори Господ Бог!“ (Езекиел 16,62.63)
Пред да бидат поставени темелите на земјата, Отецот и Синот си дале заеднички завет дека ќе го откупат човекот ако сатаната го победи. Си ги стегнале рацете и свечено се заветувале дека Христос ќе стане гаранција за човечкиот род. Христос го исполнил ова свечено ветување. Кога на крстот извикнал: „Се сврши“, му се обратил на Отецот. Спогодбата во целост е исполнета. (Копнежот на вековите, стр. 834. оригинал)
Бог нема да го прекрши својот завет, ниту, пак, ќе ја измени речта што ја изговорил. Неговата реч вечно ќе остане на сила, непроменлива како што е и Неговиот престол. На денот на судот ќе се покаже заветот кој Бог јасно го испишал со својот прст и целиот свет ќе биде доведен пред судот на Вечната Правда за да ја слушне пресудата. (Пророци и цареви, стр. 187. оригинал)
За обесхрабрените постои сигурен лек – вера, молитва и работа. Верата и работата му влеваат на човекот сигурност и задоволство, кои ќе јакнат од ден во ден. Дали лесно се препушташ на мрачни чувства или крајна малодушност? Не стравувај ни во најцрните денови кога сѐ изгледа безнадежно. Имај вера во Бога. Нему Му се познати сите твои потреби. Тој е семоќен. Неговата бескрајна љубов и сочувство не можат да се исцрпат. Не плаши се дека нема да го исполни своето ветување. Тој е вечна вистина. Тој никогаш нема да го измени заветот што го склучил со оние кои Го љубат. Бог им дава на своите верни слуги онолку сила колку што им е потребно. (Пророци и цареви, стр. 164.165. оригинал)
