„Не должете му никому ништо, освен да се љубите еден друг, зашто кој го љуби другиот, го исполнува Законот.“ (Римјаните 13,8)
Светот има право да очекува строга чесност од оние кои се нарекуваат библиски христијани. Поради небрежноста на еден верник во однос на плаќањето на своите долгови, може да се создаде впечаток дека сите наши верници се недостојни за доверба.
Оние кои се стремат кон побожност, треба да служат на чест на науката која ја исповедаат и не треба да дозволуваат да се нарушува вистината поради нивното непримерно однесување. „Не бидете никому ништо должни“, вели апостолот.
Биди решен никогаш да не направиш друг долг. Подобро е да се откажеш илјадници пати од своите желби отколку да паднеш во долг. Ти постојано си живеел во долгови. Тоа бил твојот начин на живот. Бегај од тоа како од чума.
Направи свечен завет со Бога дека со Негов благослов ќе ги исплатиш сите долгови и избегнувај да должиш кому било, дури и да живееш само од каша и леб. Толку е лесно во поставувањето на масата од својот џеб да извадиш уште некој денар повеќе за некој додаток. Води грижа за ситните пари, па и крупните ќе се погрижат за себе. Тука денар, таму денар, потрошени за ова или за она, наскоро ќе прераснат во големи суми. Додека се соочуваш со долгови, лиши се себеси од сѐ… Не колебај се, не очајувај, не се враќај назад. Откажи се од сѐ, контролирај си го апетитот, откажи се од склоноста да си угодуваш, зачувај го секој денар и плаќај си ги долговите. Настојувај да го направиш тоа што побрзо. Кога ќе успееш да се ослободиш од долговите, не должејќи никому ништо, тогаш си извојувал голема победа.
Ако видите дека некој е во долгови и навистина не е во можност да ги исполни своите обврски, не принудувајте го да го прави она што не е во состојба. На таквите треба да им се даде прилика да се ослободат од своите долгови и да ги спречите да дојдат во ситуација да не се во состојба сами да се ослободат од долгот. Иако таквата постапка се чини праведна, тоа не е Божјата милост и љубов.
Некои не се доволно внимателни и се вовлекуваат во долгови кои можат да ги избегнат. Други покажуваат претпазливост која се граничи со неверство. Користејќи ги околностите, одвреме-навреме можеме да вложиме пари за да го зајакнеме и подигнеме Божјето дело, а сепак да се држиме строго до исправните начела. (Темели на среќниот дом, стр. 393.394. оригинал)
