„Бидејќи, пред Бога не се праведни оние, кои само го слушаат Законот, а ќе бидат оправдани оние, кои се извршители на Законот.“ (Римјаните 2,13)
Оние кои ја објавуваат на светот последната вест на милост мораат да сфатат дека им е должност да ги упатуваат родителите во поглед на верата во семејството. Големото движење на реформа мора да го започне излагањето на начелата на Божјиот закон на татковците, мајките и децата. Кога ќе ги изложите барањата на законот и кога мажите и жените ќе увидат дека им е должност да му се покоруваат на истиот, треба да им се објасни одговорноста што ја преземаат со оваа одлука не само за себе, туку и за своите деца. Покажете им дека покорувањето на Божјата Реч е единствена сигурна заштита од злата кои го водат светот во пропаст. Родителите им даваат пример на своите деца, било со својата покорност, било со престапување на законот.
Со своите поуки и пример, родителите во најголем број на случаи одлучуваат за вечната судбина на своите деца. Децата во идниот живот ќе бидат она што нивните родители ќе направат од нив.
Кога родителите би можеле да се наведат да помислат за влијанието на своите постапки, кога би можеле да видат како со своите поуки ја овековечуваат и зголемуваат силата на злото или на доброто, сигурно би се промениле. Многумина би се ослободиле од маѓепсаноста на традициите и обичаите.
Проповедниците одлучно нека зборуваат за ова прашање пред собирите на верниците. Врежете го домот во совеста на родителите, уверувајќи ги во нивните сериозни должности, кои толку долго биле занемарени. Тоа ќе го скрши духот на фарисејство и спротивставување на вистината. Верата во семејството е наша голема надеж и отвора посветли хоризонти за обратување на цели семејства кон Божјата вистина…
Нашиот живот мора да биде скриен со Христа во Бога. Мораме лично да го познаваме Христа. Единствено така ќе можеме правилно да го прикажеме на светот. Постојано нека се издига молитва: „Господе, научи ме да го правам она што Исус би го правел да е на мое место.“ Каде и да се наоѓаме, нашата светлина треба да светли во добри дела за Божја слава. Тоа е голема, значајна задача во нашиот живот…
Продолжете го одлучно и цврсто Божјото дело, но во Христова благост, и што е можно посмирено. Не дозволувајте да се слушне човечко самофалење. Не покажувајте никаков знак на самодоволност. Нека се види дека Бог нè повикал да ја чуваме светата доверба, проповедајќи ја Неговата Реч внимателно, сесрдно и ревносно. (Testimonies for the Church, vol. 6, str. 119.121.122)
