„И извикаа со силен глас, велејќи: ‘До кога, свет и вистински Господару нема да судиш и да ја одмаздиш нашата крв над оние, кои живеат на земјата?’“ (Откровение 6,10)
Божјиот ден е токму пред нас. Светот ја има преобразено црквата. И двете се во хармонија и делуваат кратковидо. Протестантите ќе влијаат врз владетелите на земјата да донесат закони за да ја вратат изгубената превласт на човекот на беззаконието, кој седи во храмот Божји, прикажувајќи се како Бог. Принципите на Римокатолицизмот ќе уживаат подршка и заштита од државата. Ова национално отстапување брзо ќе биде проследено со национална пропаст. Објавувањето на библиската вистина повеќе нема да биде толерирано од оние кои не го направиле Божјиот закон нивно животно правило. Тогаш ќе се чуе гласот на мачениците од гробовите, претставени преку душите што Јован ги виде убиени заради Божјото слово и сведоштвото на Исус Христос до кого што се држеле; тогаш ќе се издигне молитвата од секое искрено Божјо дете: „О Господи, време е да дејствуваш: зашто го нарушија Твојот Закон“ (Псалм 119,126)
Од време на време, Господ го откривал својот начин на дејствување. Тој е свесен за тоа што се случува на Земјата, и кога ќе дојде до криза, Тој се откривал и се вмешувал за да го спречи дејствувањето на сатанските планови. Често дозволувал нациите, семејствата и поединците да дојдат до криза, за Неговото вмешување да стане очигледно. Со тоа тој давал до знаење дека има Бог во Израел, кој ќе го поддржи и одбрани својот народ. Кога непочитувањето на Божјиот закон ќе стане речиси универзално, кога Неговиот народ ќе биде притиснат во неволја од страна на другите луѓе, Бог ќе се вмеша. Сесрдните молитви на Неговиот народ ќе бидат услишени; зашто Тој сака Неговиот народ да го бара со сето срце и да се потпира на Него како на нивен избавител. Од Него ќе биде побарано да го направи ова за својот народ, и Тој ќе се издигне како заштитник и осветник на својот народ. Ветувањето гласи: „Та Бог ли нема да ги заштити Своите избраници, кои викаат кон Него, дење и ноќе… Ви велам, ќе ги одбрани скоро.“ (Лука 18,7.8)
Нивните заеднички молитви треба да се издигнат кон небото за Господ да се издигне и да стави крај на насилството и злоупотребата што се практикуваат во нашиот свет. Повеќе молитва и помалку зборување е она што го сака Бог, и тоа силно ќе влијае на утврдување на Неговиот народ. (Review and Herald, 15. june 1897)
