„Затоа ‘исправете ги премалените раце и ослабените колена’.“ (Евреите 12,12)
Црквата, надарена со Христовата праведност, е Негова ризница во која во целост и во конечниот приказ треба да се појават богатствата на Неговата милост, на Неговата благодат и на Неговата љубов. Во чистотата и во совршенството на својот народ, Христос гледа награда за своето понижување и додаток на својата слава – Христос, голем центар, од кој зрачи сета слава. (Копнежот на вековите, стр. 680. оригинал)
Целото небо е заинтересирано за делото кое се извршува на овој свет и со кое мажите и жените се подготвуваат за идниот, вечен живот. Според Божјиот план на човечките суштества им е дадена висока чест да бидат соработници на Исуса Христа во спасувањето на душите… Тие на Божјото дело треба да гледаат како на свето дело и секојдневно треба да донесуваат дарови на радост и благодарност за силата на Неговата благодат која им овозможува да напредуваат во божествениот живот…
Не е неизбежно некој да им попушти на искушенијата на сатаната и со тоа да ја вознемирува својата совест и да го жалости Светиот Дух. Во Божјата реч се дадени многу ветувања на чијашто основа сите можат да добијат божествена помош во напорите да победат…
Во верскиот живот секоја душа што на крајот ќе биде победник, ќе наидува на страшни тешкотии и неволји. Но познавањето на Светото Писмо ќе ѝ овозможи да се потсети на охрабрувачките ветувања на Бога, кои ќе го утешат срцето и ќе ја засилат верата во силата на Семоќниот. Ќе читаат:… „Та вашата вера испитана да излезе подрагоцена од нетрајното злато, кое сепак се испробува преку оган, за пофалба, чест и слава, кога ќе се појави Исус Христос“ (1. Петрово 1,7). Испитувањето на верата е подрагоцено од злато. Сите мораат да знаат дека тоа е дел од воспитувањето во Христовата школа…
Соберете ги сите сили за своите очи да ги насочите на небото, а не долу на тешкотиите; тогаш никогаш нема да паднете. Набргу ќе го забележите Исуса зад облаците кој ја посега Својата рака за да ви помогне. И сѐ што треба вие да направите е да ја пружите вашата рака во едноставна вера и да Му дозволите да ве води… Високото име стекнато во светот е слично на збор напишан на песок. Меѓутоа, беспрекорниот карактер ќе остане за цела вечност. Бог ви дава разум и расудување со кои можете да ги сфатите Неговите ветувања, а Исус е подготвен да ви помогне до изградбата на цврст, и храмоничен карактер. (5Т, 573.574.578.579. оригинал)
