„Утреден Јован Го виде Исуса како доаѓа при него и рече: ‘Еве Го Божјото Јагне, Кое ги зема гревовите на светот!’“ (Јован 1,29)
Мора да се изврши големо дело и мораат да се вложат сите можни напори Христос да биде прикажан како Спасител кој ги простува гревовите, како Носител на гревот и како сјајна ѕвезда Деница. Господ ќе ни даде благонаклоност пред светот, додека не го завршиме своето дело. Додека ангелите сè уште ги држат четирите ветра, мораме да работиме со сите свои сили. Мораме без никакво одложување да ја проповедаме својата вест. Мораме да посведочиме пред небесната вселена и луѓето во овој изопачен век дека нашата религија е вера и сила на кои Христос им е Зачетникот, а Неговата Реч божествен канал преку кој Бог комуницира со нас. Душите на луѓето се наоѓаат на мерила. Тие ќе бидат поданици на Божјото царство или робови на сатанската тиранија. Сите имаат право да се фатат за надежта што им ја пружа евангелието, но како можат да слушнат за неа без проповедник? На човечкото семејство му е потребна морална обнова, подготовка на карактерот, за да може да опстане во Божја присутност. Има души кои се во опасност да пропаднат поради теориските заблуди кои преовладуваат и кои имаат цел да ја попречат веста на евангелието. (Сведоштва за црквата, вол. 6, стр. 20.21. оригинал)
Во нашиот свет нема толку големо, толку силно и толку славно дело, нема дело кое Бог толку го цени, како што е делото на евангелието. Веста која се изложува во денешно време ја претставува веста на милост за паднатиот свет. Оние кои имаат предност да ја слушнат таа вест, но при тоа упорно се спротивставуваат на покорувањето на нејзините опомени, ја отфрлаат својата последна надеж за спасение. Уште едно време на милост нема да постои. Евангелието кое ние треба да го проповедаме е Речта на вистината „Пишано е.“ Пред тоа дрво на животот не е поставен никаков пламенен меч. Сите кои сакаат, можат да го користат. (Сведоштва за црквата, вол. 6, стр. 19. оригинал)
