„Оние кои се бојат од Тебе се веселат кога ќе ме видат, зашто јас се надевам на Твојот збор.“ (Псалм 119, 74)
Ако библиските вистини се вткаат во практичниот живот, тие ќе го воздигнат умот и ќе го одвојат од неговата световност и расипаност. Оние што се запознаени со Светото писмо, ќе станат мажи и жени со возвишено влијание. Во потрага по вистините што небото ги открило, Божјиот Дух доаѓа во близок допир со оние што искрено го проучуваат Светото писмо. Разбирањето на откриената Божја волја го проширува умот, го развива, го издигнува и го оспособува со нова сила, доведувајќи ги неговите способности во допир со славните вистини. Ако човек на проучувањето на Светото писмо му придава споредно значење, ќе претрпи голема загуба. Извесно време Библијата беше исклучена од нашите училишта, а сатаната најде богато поле на кое работеше со извонредна брзина и ја собра жетвата како што ја посакуваше.
Умот ги усвојува вредностите со кои станува близок. Кога сите би ја проучувале Библијата, би виделе народ кој се развива, народ способен за проникливо размислување, народ кој поседува повисока интелигенција отколку што би можела да се изгради со најупорното стремење кон науката и световната историја. Искрениот истражувач на Библијата стекнува повисок степен на ментална дисциплина; по размислувањето за божественото величие, неговите способности се збогатуваат, неговото „јас“ се понизува, додека Бог и Неговата откриена вистина се возвишуваат. Токму затоа што луѓето не ги знаат драгоцените библиски извештаи, во голема мера се издигнува она што е човечко а толку малку чест му се укажува на Бога. Библијата го содржи токму тој квалитет на храна што му е потребен на христијанинот за да има духовна сила и извонреден интелект. Проучувањето на сите филозофски и научни книги не може да го направи за умот и моралот она што може да го направи Библијата, ако се проучува и применува во животот. Со проучување на Библијата се води разговор со патријарсите и пророците. Вистината е изразена во возвишен јазик, кој врши чудесно влијание врз умот; мислата се издигнува од она што е земно и се насочена да размислува за славата на идниот бесмртен живот. Која човечка мудрост може да се спореди со големината на Божјото откровение? Ограничениот човек, кој не го познава Бога, можеби ќе се обиде да ја намали вредноста на Светото писмо и да ја закопа вистината под наводно научното знаење. (Fundamentals of Christian Education, стр. 129.130)
