„Но на Господа му беше угодно да Го порази, и Тој Го предаде Него на мачење; кога го жртвува Својот живот како принос за грев, ќе види потомство, ќе ги продолжи своите денови, и Господовата волја ќе се исполни преку Него.“ (Исаија 53,10)
Тоа е тајната на Бог во тело, Бог во Христа, божественото во човечкото. Христос се наведна во неспоредлива понизност за да, во своето воздигнување на божествениот престол, може да ги воздигне и оние кои веруваат во Него, и тие да седнат со Него на Неговиот престол. Ќе бидат исцелени сите кои гледаат во Исуса со вера дека раните и лузните што гревот ги нанел ќе бидат излекувани во Него.
Темата за откупувањето е важна тема и само оние кои размислуваат духовно можат да ја препознаат нејзината длабочина и значење… Верата и молитвата се неопходни за да можеме да ги разгледуваме длабоките божествени теми. Нашиот ум е толку ограничен со тесни идеи што добиваме само ограничени погледи на искуствата кои сме имале предност да ги стекнеме. Колку малку разбираме што значи апостолската молитва која гласи: „Да ви даде, според богатството на Својата слава – да зајакнете со сила преку Неговиот Дух во внатрешниот човек, та преку вера да се всели Христос во вашите срца; да бидете вкоренети и засновани во љубовта: за да можете да сфатите со сите свети, што е ширина и должина, и височина и длабочина, и да ја познаете Христовата љубов, која го надминува знаењето“ (Ефесјаните 3,16-19). Исус го набљудуваше човечкиот род, кој беше во незнаење и отпадна од Бога, како чека казна заради прекршување на законот; а Тој дојде да донесе избавување, да понуди целосно простување, потпишано од небесното Величество. Доколку човекот го прифати ова простување, ќе биде спасен; доколку го одбие, ќе биде изгубен. (Fundamentals of Christian Education, str. 180.181)
