„А ние сме должни секогаш да Му благодариме на Бога за вас, браќа, од Господ возљубени, зашто Бог ве избра од почеток за спасение, преку осветувањето на Духот и вера во вистината.“ (2. Солунјаните 2,13)
Преку осветувањето од Духот и верувањето во вистината, стануваме соработници со Бога. Христос ја очекува соработката на Неговата црква. Тој не планира да додаде нов елемент на ефикасност на своето Слово; Тој веќе го заврши големото дело давајќи му вдахновение на Словото. Крвта на Исуса Христа, Светиот Дух, божественото Слово – тие се наши. Целта на сета оваа небесна грижа е пред нас – спасението на душите за кои Христос умре; и до нас стои да ги прифатиме ветувањата што Бог ги дал и да станеме соработници со Него.
Божествените и човечките фактори мора да соработуваат во делото… Откако стоеја во Божјите совети, откако пребиваа на вечните височини на светилиштето, сите елементи на вистината беа во Него и од Него. Тој беше едно со Бога. Ова значи повеќе отколку што ограничените умови можат да го разберат и да го претстават во секој мисионски труд Христа и Него распнатиот… Христос воскреснат од мртвите; Христос вознесен на висините како наш застапник – ова е науката за спасението што треба да ја научиме и да ја подучуваме. (Counsels to Parents, Teachers, and Students, p. 22)
Настојувајќи да го постигне идеалот што го одредил Бог за него, христијанинот не смее за ништо да очајува. На сите им е ветено морално и духовно совршенство со Христовата милост и со Неговата сила. Исус е извор на силата, извор на животот… Тој нѐ води кон Божјиот престол и во устата ни става молитва со чија помош стапуваме во блиска заедница со Него. Тој радо нѐ става во движење на семоќната сила и на небесните влијанија. (Делата на апостолите, стр. 478. оригинал)
