„Насити нè наутро, со Својата милост, за да се радуваме и да се веселиме во сите наши дни!“ (Псалм 90,14)
Бог е полн со сомилост и има разбирање за нашите слабости и нашите искушенија; и кога ќе Му пријдеме со скршени срца и со понизен дух, Тој го прифаќа нашето каење и ако се фатиме за Неговата сила да склучиме мир со Него, можеме навистина да се помириме со Него. О, колку треба да бидеме благодарни и радосни, знаејќи дека Бог е толку милостив! (Сведоштва за црквата, вол. 3, стр. 239. оригинал)
Не треба да ти биде тешко да запомниш дека Господ сака да ги положиш твоите маки и недоумици пред Неговите нозе и да ги оставиш таму. Оди кај Него, велејќи: „Господи, моите товари се премногу тешки за да ги носам. Ќе ги понесеш ли за мене?“ И Тој ќе одговори: „Ќе ги земам. Со вечна милост ќе ти се смилам. Ќе ги земам твоите гревови и ќе ти дадам мир. Не ја потценувај повеќе својата вредност; зашто те купив со цената на Мојата крв. Ти си Мој. Твојата ослабена волја ќе ја зацврстам. Ќе го отстранам твоето каење за гревот.“… Одговори на повиците на Божјата милост и кажи: „Ќе Му верувам на Господа и ќе бидам утешен. Ќе Го фалам Господа, зашто Неговиот гнев се одврати. Ќе се радувам во Бога, Кој ја дава победата.“ (Testimonies to Ministers, p. 519)
