„Зашто Бог го измири светот со Себе во Христа, не засметувајќи им ги нивните престапи и вложувајќи го во нас словото на измирувањето.“ (2. Коринтјаните 5,19)
Гледајте, о гледајте во Исуса и живејте! Не можете да не бидете восхитени од непроценливата привлечност на Божјиот Син. Христос беше Бог во тело, тајна скриена низ вековите, а од нашето прифаќање или отфрлање на Спасителот на светот зависат нашите вечни интереси. (Fundamentals of Christian Education, str. 179)
Гревот го одвоил човекот од Бога. Без планот на спасението судбината на човекот би бил вечното одвојување од Бога и темнината на бескрајната ноќ. Спасителот со Својата жртва повторно ја овозможил врската со Бога. Ние не можеме лично да дојдеме во близината Божја; поради својот грев не можеме да го гледаме Неговото лице; но, можеме да Го набљудуваме и да разговараме со Него во Исуса, Спасителот… Бог „го измири светот со Себе во Христа“…
Христовиот живот и смртта, цената на нашето откупување, за нас не се само ветување и залог за живот, ниту само средство кое би ни ги отворило сокровиштата на мудроста: тие се пошироко и повозвишено откровение на Неговиот карактер отколку што имале дури и безгрешните жители на Едем. И додека Христос му го отвора Небото на човекот, животот што Тој ни го дава го отвора срцето на човекот за Небото. Гревот не само што нѐ одвојува од Бога, туку во душата на човекот ги уништува и желбата и моќта да Го запознае. Христова цел е да го оневозможи сето тоа влијание на злото. Тој има моќ да ги оживее и обнови способностите на душата парализирана од гревот, да ги оживее и обнови потемнетиот ум и изопачената волја. Тој ни ги отвора богатствата на вселената и, благодарение на Него, добиваме способност да ги препознаеме и ползуваме. (Воспитување, стр. 28.29. оригинал)
