„Гостољубивоста не запоставувајте ја, бидејќи преку неа некои, и не знаејќи, им укажаа гостопримство на ангели.“ (Евреите 13,2)
Ние можеме да го поседуваме спасението Божјо во нашите семејства; но ние мораме да веруваме во него, живееме за него и да имаме непрекината, постојана вера и доверба во Бога. Ограничувањето кое Божјиот Збор го става врз нас е за наша корист. Тоа ја зголемува среќата во нашите семејства и на сите околу нас. Таа го префинува нашиот вкус, го посветува нашето расудување и донесува мир на умот, и на крајот вечен живот. Ангелите служители ќе се задржуваат во нашите живеалишта и со радост кон небото ќе носат вести за нашиот напредок во божествениот живот и ангелот записничар ќе направи бодар, среќен запис.
Христовиот Дух ќе делува постојано во семејниот живот. Кога луѓето би ги отвориле своите срца на небесното влијание на вистината и љубовта, тие начела повторно би потекле како извор во пустина освежувајќи го секој и правејќи да се појави свежина таму каде што сега е пустош и каде што владее немаштија.
Занемарувањето на религијата во домот и занемарувањето на воспитувањето на децата предизвикува најголемо негодување кај Бога. Кога некое ваше дете би се давело среде река, борејќи се со брановите во непосредна опасност, зар не би се возбудиле? Зар не би направиле сѐ, зар не би се молеле и зар не би покажале најголема восхитеност за да спасите еден човечки живот? А тука се вашите деца кои се одвоиле од Христа, чиишто души не се спасени. Тие можеби се груби и неучтиви, и го срамат името на вистината. Тие без надеж и без Бога пропаѓаат во светот, а вие сте немарни и незагрижени…
Татковци и мајки, собирајте ги околу себе своите деца секое утро и вечер и понизно обратете Му се на Бога за помош. Вашите мили се изложени на искушенија. Препреки се појавуваат секој ден на патеката на старите и младите. Оние кои сакаат да живеат трпелив, радосен живот полн со љубов, мора да се молат. Можеме да се победиме себеси само ако примаме постојана помош од Бога…
Преку сесрдните, искрени молитви родителите треба да направат ограда околу своите деца. Треба да се молат со полна вера Бог да биде со нив и светите ангели да ги чуваат нив и нивните деца од суровата сатанска сила. (Counsels for the Church, str. 151.152)
