„А Самиот Господ наш Исус Христос и Бог нашиот Татко, Кој нè возљуби нас и ни даде вечна утеха и добра надеж по благодатта да ги утеши вашите срца и да ве утврди во секое добро дело и слово!“ (2. Солунјаните 2,16.17)
Во верскиот живот секоја душа што на крајот ќе биде победник, ќе наидува на страшни тешкотии и неволи. Но познавањето на Светото Писмо ќе ѝ овозможи да се потсети на охрабрувачките ветувања на Бога, кои ќе го утешат срцето и ќе ја засилат верата во силата на Семоќниот… Испитувањето на верата е подрагоцено од злато. Сите мораат да знаат дека тоа е дел од воспитувањето во Христовата школа и е важен за чистење и ќе ги исчисти од троскотот на овој свет. Тие ќе мораат храбро да ги поднесуваат нападите на напријателот и да ги совладаат сите препреки кои сатаната ќе ги постави на патот на нивниот напредок. Тој ќе настојува да ги наведе да ја занемарат молитвата и проучувањето на Светото Писмо, и нивниот пат ќе го опсипе со своите грозни сенки, за да го сокрие Христа и небесните блаженства од нивните погледи.
Никој не треба постојано да се плаши и да се повлекува ниту да се оддава на постојани сомнежи, и својот пат да го опсипува со постојано јадосување, туку сите треба својот поглед да го насочат на Бога, набљудувајќи ја Неговата добрина и радувајќи се на Неговата љубов. Соберете ги сите сили за своите очи да ги насочите на небото, а не долу на тешкотиите; тогаш никогаш нема да паднете. Набргу ќе го забележите Исуса зад облаците кој ја посега својата рака за да ви помогне. И сѐ што треба вие да направите е да ја пружите вашата рака во едноставна вера и да Му дозволите да ве води. Ако имате доверба, вие преку верата во Исуса ќе бидете полни со надеж. Светлината што свети од крстот на Голгота ќе ви открие колку Бог ја цени душата, и сфаќајќи ја правилно вредноста на таа цена, ќе се залагате со таа светлина да го осветлите светот. (Сведоштва за црквата, вол. 5, стр. 578.579)
