„Дали некој од вас, кога има спор против друг, би се осмелил да се суди пред неправедни, а не пред светии?“ (1. Коринтјаните 6,1)
Каква и да е природата на прекршокот, тоа не го менува планот кој Бог го поставил за отстранување на несогласувањата и личните повреди. Тешкотијата често ќе се отстрани ако насамо и во Христов дух зборувате со оној кој згрешил. Појдете кај грешникот со срце полно со Христова љубов и наклонетост и трудете се да ја изведете работата на чистина. Разговарајте со него благо и промислено. Од вашите усни нека не излезе ниту еден лут збор. Зборувајте на начин кој ќе апелира на неговиот здрав разум. Имајте ги на ум зборовите: „Нека знае дека оној што ќе го обрати грешникот од неговиот заблуден пат, спасува една душа од смрт и ќе покрие мноштво на гревови“ (Јаков 5,20).
Донесете му на својот брат лек кој ќе ја исцели болеста на непријателството. Трудете се да му помогнете. Поради мирот и единството на црквата, сметајте дека ова не е само чест, туку и ваша должност. Ако сака да ве слушне, во Него ќе добиете пријател.
Цело небо го слуша разговорот помеѓу повредениот и оној кој згрешил. Ако заблудениот го прими укорот даден во Христова љубов и ја признае својата грешка, барајќи простување од Бога и од својот брат, небесната сончева светлина ќе го исполни неговото срце. Судирот е завршен; повратени се пријателството и довербата. Маслото на љубовта ја отстранило болката што ја направила грешката. Божјиот Дух поврзува срце со срце и Небото ќе запее среде тоа постигнато единство.
Ако луѓето, кои, соединети со христијанско братство упатуваат молитви на Бога и ако се заветуваат дека ќе бидат праведни во своите постапки, дека ќе го љубат милосрдието и дека ќе одат понизно пред Бога, ќе примат голем благослов. Ако згрешиле пред другите, нека се покајат, исповедаат и ја исправат својата грешка, цврсто решени да прават добро еден на друг. Тоа значи да се исполнува Христовиот закон. „Но ако не те послуша, земи со себе уште еден или двајца, и од устата на двајца или тројца сведоци да се потврди секој збор“ (Матеј 18,16). Поведете ги со себе оние кои се духовни и зборувајте со престапникот за неговата грешка. Можеби ќе попушти пред заедничката опомена на своите браќа. Можеби неговиот ум ќе се просветли кога ќе види дека тие имаат исти погледи на работата. (Testimonies for the Church, vol. 7, str. 261.262)
