„Досега ништо не баравте во Мое име; барајте и ќе добиете, за да биде вашата радост полна.“ (Јован 16,24)
Ми беше покажано дека нашата состојба е нешто слично на тоа кога децата бараат нешто од своите овоземни родители. Родителите знаат дека децата често го бараат и она што би им наштетило, затоа на своите малечки, наместо да им ја исполнат желбата, им го даваат само она што за нив ќе биде здраво и добро. Видов дека Бог ќе ја слушне и услиши секоја молитва упатена со вера и искрено срце. Благословот ќе се излие на оној што го бара со молитва тогаш кога ќе му биде најпотребен, а често тоа и ќе ги надмине неговите очекувања. Молитвата на секој вистински верник, кога е упатена со вера и искрено срце, ќе биде услишена. (Сведоштва за црквата, вол. 1, стр. 121. оригинал)
Бдеј, моли се, работи – ова е лозинката на христијанинот. Животот на вистинскиот христијанин е живот на постојана молитва. Тој знае дека светлината и силата од еден ден не се доволни за искушенијата и борбите на следниот. Сатаната постојано ги менува своите искушенија. Секој ден ќе се наоѓаме во различни околности; и во нови и непознати сцени што не очекуваат, ќе бидеме опкружени со нови опасности и постојано нападнати од нови и неочекувани искушенија. Само преку силата и благодатта добиени од небото можеме да се надевавме дека ќе ги победиме искушенијата и ќе ги исполниме должностите што се пред нас…
Барај, тогаш; барај, и ќе добиеш. Барај понизност, мудрост, храброст, зголемување на верата. Секоја искрена молитва ќе добие одговор… Молитвите што ги упатуваш во осаменост, во изнемоштеност, во искушение, Бог ги слуша – не секогаш според твоите очекувања, но секогаш за твое добро. (Евангелски работници, стр. 257, 258. оригинал)
