„Зашто Бог толку го возљуби светот, што Го даде Својот Единороден Син, та секој, кој верува во Него, да не загине, туку да има вечен живот.“ (Јован 3,16)
Кој човечки јазик би можел толку силно да ја изрази Божјата љубов кон човечкиот род како што е изразена со дарувањето на Неговиот единороден Син заради наш откуп? Невиниот на себе ја примил казната за грешниците. (Сведоштва за црквата, вол. 8, стр. 208. оригинал)
Откровението на Божјата љубов кон луѓето е сконцентрирано на крстот. Неговото потполно значење јазикот не може да го искаже, перото не може да го опише, ниту човечкиот ум е во состојба да проникне во тоа. Набљудувајќи го крстот на Голгота единствено што можеме да кажеме е: „Зашто Бог толку го возљуби светот, што Го даде Својот Единороден Син, та секој што верува во Него да не загине, туку да има вечен живот“ (Јован 3,16).
Христос кој бил распнат заради нашите гревови, Христос што воскреснал од мртвите, Христос што се вознел на небото тоа е наука на спасението што треба постојано да се учи и да им се проповеда на другите… Тука се бесконечната мудрост, бесконечната љубов, бесконечната правда и бесконечната милост, „длабочина на богатство, мудрост и знаење Божјо“ (Сведоштва за црквата, вол. 8, стр. 287. оригинал)
Земајќи на себе човечко обличје, Христос дошол да биде едно со човештвото, а во исто време на човечките битија да го открие нашиот небесен Татко. (Сведоштва за црквата, вол. 8, стр. 286. оригинал)
Христова омилена тема била родителскиот карактер и изобилната Божја љубов. Тоа познавање за Бога бил Христовиот подарок за луѓето и тој подарок Тој го доверил на својот народ за да го пренесат на светот. (Сведоштва за црквата, вол. 6, стр. 55. оригинал)
Младите се купени со бесконечна цена, дури и со крвта на Синот Божји. Размислете за жртвата на Отецот во тоа што Му дозволил на својот Син да ја направи оваа жртва. (Порака до младите, стр. 16. оригинал)
