„Искажува милост на илјадници, проштава опакост, грев и престап, но не остава неказнет виновник, туку ја казнува опакоста на татковците врз децата – и на внучињата до третото и четвртото поколение.“ (Излез 34,7)
Набргу ќе дојде ненадејна промена во Божјото постапување. Светот, во својата изопаченост, е посетен со несреќи – поплави, бури, пожари, земјотреси, глад, војни и крвопролевања. Господ е бавен на гнев, а голем во сила; но Тој нема да ги пушти виновниците неказнети. „Неговиот пат е во виор и во бура, облаците се прав на Неговите нозе.“ О, да можат луѓето да ги разберат трпението и долготрпеливоста на Бога! Тој ги воздржува своите сопствени атрибути. Неговата семоќ е под контрола на Севишниот. О, да разберат луѓето дека Бог одбива да биде уморен од изопаченоста на светот и сè уште ја нуди надежта за прошка дури и на најнезаслужните! Но, Неговата трпеливост нема да продолжи засекогаш. Кој е подготвен за ненадејната промена што ќе се случи во Божјото постапување со грешните луѓе? Кој ќе биде подготвен да ја избегне казната што сигурно ќе падне врз престапниците?
Немаме временски милениум за да ја завршиме работата на предупредување на светот. Потребна е преобразба на душата. Најефективната мудрост што може да се стекне, ќе се стекне во Христовото училиште. (Fundamentals of Christian Education, p. 356. 357)
Бог им го објавил на луѓето својот карактер и постапката со гревот… Власта и авторитетот на божественото владеење ќе бидат употребени да го задушат бунтот, но сепак, сите судови на правдата ќе бидат во потполна хармонија со карактерот на Бога кој е милостив, полн со трпение и доброта. (Големата борба, стр. 541. оригинал)
